Hukumar kula da kwallon kafa ta Kasa (NFF), ta umarci Finidi George da ya tabbatar da cewa Super Eagles ta samu gurbi a gasar cin kofin duniya ta FIFA 2026.
A halin yanzu Super Eagles tana matsayi na uku a rukuninsu bayan da suka tashi kunnen doki biyu da Lesotho da Zimbabwe.
Zakarun Afirka sau biyu za su karbi bakuncin Bafana Bafana ta Afirka ta Kudu a ranar Juma’a 7 ga watan Yuni, kafin su kara da Squirrels na Benin kwanaki kadan.
“A cikin watan Yuni, Najeriya za ta buga wasanta na rayuwarsu da Afirka ta Kudu da kuma Benin,” Ikpeba, mamba a kwamitin fasaha na NFF ya shaida wa SuperSport.
“Muna kan kafar baya bayan da muka yi canjaras a wasannin neman cancantar shiga gasar cin kofin duniya sau biyu, don haka dole ne mu yi nasara a wasanni na gaba.
“Muna da ‘yan wasan kuma idan Finidi zai iya samun mafi kyawun su, za mu cancanci zuwa gasar cin kofin duniya.”
Ikpeba ya kuma ce ana sa ran sabon kocin zai baiwa ‘yan wasan kwallon kafa a Najeriya damar da ta dace a Super Eagles.
“Yana zaune a nan, yana aiki a nan (a matsayin kocin zakarun NPFL Enyimba),” in ji shi.
“Zai bai wa ‘yan wasan gida dama a kungiyarsa.
“Dole ne ya duba ciki, ta haka ne muka samu dan wasan Finidi George.”
Subscribe to Our VIP Newsletter
[newsletter_signup_form id=1]
