Shahararren malamin majama’ar nan na jihar Legas, Tunde Bakare a ranar Asabar ya bi sahun mutane masu sha’awar maye gurbin Muhammadu Buhari a matsayin shugaban kasa.
Bakare ya bayyana aniyar sa kamar yadda ministan sufuri Rotimi Amaechi ya ce, zai tsaya takarar shugaban kasa.
Bakare ya ce, “Ba batun burin shugaban kasa ba ne na kowane mutum.” “A kowane hali, ba ni da wani buri na kishin kaina. Abin da nake da shi shi ne hangen nesa na sabuwar Najeriya da aka haife ni tun ina yaro da kuma burin gaskiya na zama shugaban kasa na goma sha shida na kasata ta Najeriya.
Sauran wadanda tuni suka ayyana tsayawa takarar shugaban kasa a jam’iyyar APC mai mulki sun hada da, tsohon gwamnan jihar Legas, Bola Tinubu, tsohon gwamnan jihar Abia, Orji Uzor Kalu, tsohon gwamnan jihar Imo, Rochas Okorocha, gwamnan jihar Ebonyi da kuma gwamna Yahaya Bello na jihar Kogi.
Bakare shi ne abokin takarar Buhari a shekarar 2011 a lokacin da su biyun suka tsaya takara a karkashin jam’iyyar CPC.
Subscribe to Our VIP Newsletter
[newsletter_signup_form id=1]
