Hukumar hana fasa kauri ta kasa Kwastam, ta kama haramtattun kayayyaki da su ka kai sama da Naira miliyan 854 a cikin watanni Uku.
Mataimakin Kwanturola, Oseni Olorukooba, kodinetan hukumar kwastam mai kula da jihohin Kano da Jigawa, ya bayyana cewa masu fasa kaurin a yanzu ba su da wata mafaka da za su kai ga aikata muggan laifuka.
Ya ce,”Kayayyakin da a ka kama sun hada da motoci biyu, buhunan shinkafar kasar waje 413 da kuma bale 382 na kayan sawa. Sauran sun hada da katan 150 na macaroni, katon spaghetti 200, katuna 638 na takalman kasashen waje masu girma dabam na yara, maza da mata”.
Ya bukaci kafafen yada labarai da su ci gaba da fadakar da jama’a kan illolin da ke tattare da safarar kayayyakin da aka haramta a cikin kasar nan.
Ko’odinetan ya kuma jaddada aniyar rundunar na yaki da fasa kwauri.
Olorukuba ya kuma yabawa jami’an hukumar da kuma jami’an hukumar bisa samun nasarorin da a ka samu a tsawon lokacin da a ke bitar.
Subscribe to Our VIP Newsletter
[newsletter_signup_form id=1]
