Gwamnatin tarayya ta hannun hukumar kididdiga ta kasa, NBS, ta bayyana cewa farashin kayan abinci masu mahimmanci da suka hada da wake, kwai, burodi, shinkafa da tumatur, sun samu hauhawar ƙarin farashi a watan Satumban 2024.
NBS ta bayyana hakan ne a cikin rahotonta na zababbun duban farashin abinci na Satumba 2024 da aka fitar a Abuja ranar Laraba.
Rahoton ya ce matsakaicin farashin 1kg na wake ya karu da kashi 281.97 daga N716.97 da aka samu a watan Satumbar 2023 zuwa N2,738.59 a watan Satumban 2024.
Ya kara da cewa matsakaicin farashin kwai masu matsakaicin girma (guda 12) ya karu da kashi 137.43 a duk shekara daga N1,047.47 da aka samu a watan Satumbar 2023 zuwa N2,487.04 a watan Satumban 2024.
A cewar ofishin, matsakaicin farashin biredi ya karu da kashi 115.74 a duk shekara daga N708.36 a watan Satumbar 2023 zuwa N1,528.19 a watan Satumban 2024.
“A duk wata, kilo 1 na wake ya karu da kashi 6.37 a watan Satumba daga N2,574.63 da aka samu a watan Agustan 2024.
“A kowane wata, kwai ya karu da kashi 8.46 bisa dari daga N2,289.19 da aka rubuta a watan Agustan 2024.
“A kowane wata, farashin ya karu da kashi 4.68 daga N1,459.85 da aka rubuta a watan Agustan 2024,” in ji rahoton.
Bugu da kari, NBS ta ce matsakaicin farashin shinkafar gida ya tashi da kashi 152.92 bisa dari a duk shekara daga N757.06 a watan Satumban 2023 zuwa N1,914.77 a watan Satumban 2024.
Hakazalika, ta ce matsakaicin farashin naman shanu mara kashi 1kg ya karu da kashi 99.99 a duk shekara daga N2,816.91 a watan Satumban 2023 zuwa N5,633.60 a watan Satumban 2024.
NBS ta ce matsakaicin farashin tumatir kilo 1 kuma ya karu a duk shekara da kashi 152.94 daga N 565.69 da aka samu a watan Satumbar 2023 zuwa N1,430.87 a watan Satumban 2024.
Subscribe to Our VIP Newsletter
[newsletter_signup_form id=1]
