Gwamnatin Ukraine ta ce, hare-haren Rasha sun kara janyo farar hula da ke son ficewa daga kudancin birnin Mariupol, mai tashar ruwa, sun gagara ficewa alhalin suna cikin mawuyacin hali.
Hukumomi sun ce, kawo yanzu sama da mutum 1,500 aka kashe a Mariupol.
Rahoton na BBC ya ce, wadanda suke raye kuma suna fama da matsanancin sanyi, babu wutar lantarki sannan abinci da ruwan da suke da shi ya kusa karewa.
A jawabin da ya saba yi wa ‘yan kasar, Shugaba Zelensky ya yi Allah-wadai da matakin Rasha na hana farar hula ficewa, da hana kai kayan agaji ga mutanen ke tsananin bukata.
Subscribe to Our VIP Newsletter
[newsletter_signup_form id=1]
