Tsohuwar matar tsohon ministan sufurin jiragen saman, Femi Fani-Kayode, ya maka tsohuwar matarsa Precious Chikwendu, a kotu da zarginta da kiransa da mai karamin azzakari kuma ta yi yunkurin hallaka shi da sabuwar budurwarsa.
Ya kara da bayyana cewa, sun yi amfani da yanar gizo wurin wallafa karairayi a kansa, inda ta ce, ya na duka tare da lalata da ‘yan aikinsa.
Jaridar Dailytrust ta rawaito cewa, ‘yan sandan sun gurfanar da Chikwendu a gaban mai shari’a, Inyang Ekwo kan zargin yunkurin kisan kai.
A karar mai lamba FHCABJ/CR/1/2022 wacce kwamishinan ‘yan sandan babban birnin tarayyan ya shigar a kan Chikwendu da wasu mutum 3, an ce tsohuwar matar ta yi yunkurin soka wa Fani-Kayode wuka a ranar 24 ga watan Nuwamban 2018 a Asokoro.
Sauran wadanda aka gurfanar tare da Chikwendu sun hada da Emmanuel Anakan, Prisca Chikwendu da Osakwe Azubuike yayin da sauran ba a kamo su ba.
A zargi 13 da aka shigar, wadanda ake zargin a na tuhumarsu ne da laifuka da suka hada da hantara, yunkurin kisan Fani-Kayode da yunkurin kashe wata Lauretta wanda hakan yasa ta bar mu’amala da Fani-Kayode. A na zarginsu da yin amfani da shafin sada zumunta wajen aika sakonni cin zarafi da niyyar hantara da bata sunan tsohon mijinta.
Wadanda ake zargin sun musanta aikata laifukan da ake zarginsu da su wadanda abun hukuntawa ne a karkashin sashi na 392 na dokokin Penal Code.
Mai shari’a Ekwo ya dage sauraron shari’ar zuwa ranar 27 Afirilu, 28 Afirilu da 29 Afirilu.
Subscribe to Our VIP Newsletter
[newsletter_signup_form id=1]
