Fitaccen attajirin a fanin fasaha, Elon Musk, ya sauya sunansa a dandalin sada zumunta na X zuwa ‘Kekius Maximus’.
Musk ya aiwatar da wannan sauyin ranar Talata ba tare da bayyana dalilin hakan ba.
Haka kuma, Shugaban Tesla ya sauya hoton bayanansa zuwa shahararren hoton barkwancin intanet da ake kira “Pepe the Frog”.
Elon Musk, wanda shi ne mai mallakar X, an san shi da kasancewa babban masoyin fasahar kuɗi na zamani, wato cryptocurrencies.
Bisa ga rahoton coincheckup.com, Kekius Maximus (wanda aka fi sani da alamar KEKIUS), wata alama ce ta kuɗi na zamani da aka samo daga hotunan barkwanci, wadda ake amfani da ita a dandamali daban-daban na blockchain.
A kwanan nan, KEKIUS ya samu daukaka sosai a kasuwar cryptocurrency, yana jan hankalin masu sha’awa da masu zuba jari.
A halin yanzu, KEKIUS yana sayarwa akan kimanin dala $0.005667 a ranar 27 ga Disamba, 2024, wanda ya nuna hauhawa har zuwa kashi 497.56 cikin ɗari.
Subscribe to Our VIP Newsletter
[newsletter_signup_form id=1]
