Hukumar yaki da masu yi wa tattalin arzikin kasa zagon kasa, EFCC, ta cafke tsohuwar kakakin majalisar wakilai, Patricia Etteh.
Jaridar Guardian ta tattaro a daren jiya cewa, sashen ayyuka na musamman na EFCC na tuhumar Etteh, bisa zarginta da hannu a badakalar samar da wutar lantarki mai amfani da hasken rana a jihar Akwa Ibom.
A cewar manyan majiyoyin EFCC, “An kama ta ne kan wata kwangilar Neja-Delta (NDDC) a shekarar 2011. kwangilar aikin samar da hasken rana ne a yankunan karkara na wasu al’ummomi a Akwa Ibom. An bayar da kwangilar ne ga wani kamfani mai suna Philjim Projects Limited
Kudaden kwangilar Naira miliyan 240 ne hukumar NDDC ta bayar a wani bangare na ayyukan ci gaban al’umma. An fara sakin Naira miliyan 34, sai kuma Naira miliyan 253, wanda ya kai Naira miliyan 287 da aka biya.
“Damuwarmu akan wannan lamari shine Etteh ba darakta ba tace kuma ‘yar kwangila ba ce, amma binciken mu ya nuna cewa, ‘yar kwangilar ta biya ta jimillar kudi naira miliyan 130.
“Lokacin da masu bincikenmu suka tunkare ta da wadannan kudade, sai ta ce bashin ne da ta baiwa dan kwangilar da ke gudanar da aikin.
Subscribe to Our VIP Newsletter
[newsletter_signup_form id=1]
