Hukumar yaki da masu yi wa tattalin arzikin kasa ta’annati (EFCC), ta sake bankado Dalar Amurka miliyan 72.8 a wani asusun ajiyar kudi na tsohuwar Ministar Albarkatun Mai, Diezani Alison-Madueke.
EFCC ta ce ta gano kudaden ne a asusun Diezanni da bankin Fidelity a Najeriya.
Bayan haka kuma hukumar ta cafke tsohon daraktan bankin mai suna, Nnamdi Okonkwo, wanda a yanzu na daya daga shugabannin bankin ‘First Bank’ wanda a baya ya sha tambayoyi kan Dala miliyan 153 da kuma Dala miliyan 115.
Duk da cewa EFCC ta karbi Dala miliyan 153, har yanzu batun Dala miliyan 115 da a ke zargin shi a kansu na gaban kotu. Inji Aminiya.
A yanzu dai Mista Okonkwo da Charles Onyedibe na hannun EFCC inda suke amsa tambayoyi kan Dala miliyan 72.8 da aka samu a asusun Diezani.
Ko a watannin da suka gabata sai da gwamnatin tarayya ta yi gwanjon wasu kadarorin da ta gano daga Diezani.
Tun bayan saukar ta daga kujerar minista, Diezani ke shan tuhume-tuhume kan zargin badakala da dukiyar kasa.
Subscribe to Our VIP Newsletter
[newsletter_signup_form id=1]
