Mohamed Salah ya ce, wannan ce shekararsa ta ƙarshe a Liverpool kuma babu wanda ya yi masa magana kan sabunta kwantaraginsa a kulob ɗin.
Dan wasan Masar ɗin mai shekara 32 ƙwantaraginsa a Liverpool za ta ƙare ne a ƙarshen kaka mai zuwa.
Ya samu nasarar zira kwallo ɗaya a wasan da suka doke Manchester United da ci 0-3 a ranar Lahadi.
Ana ckin wasan Salah ya rika taka leda tamkar wasan shi ne na ƙarshe da zai buga a Old Trafford.
“Da zan shigo wasan ina jin cewa kamar wannan ne lokaci na na ƙarshe,” ya shaida wa Sky Sports.
“Babu wanda a ƙungiyar ya yi mini magana kan kwantaragina dan haka na ce, to shi kenan, wataƙila a ƙashen kaka na tafi. Za mu ga mai zai faru nan da shekara guda.”
Salah wanda ya ci kwallo a duka wasannin Liverpool uku da suka buga, yana yawan kafa tarihi a Old Trafford:
- Sala ya ci kwallo 11 ya bayar da shida an ci a gasar Premier a Old Trafford. Ɗan Masar ɗin ya fi kowanne ɗan wasa ci da bayar da kwallaye a ci United a tarihin gasar.
- Ya ci wa Liverpool kwallo 10 a wasa tara da ya buga a Old Trafford a duka gasa. Shi ne ɗan wasan da ya taɓa cin kwallo 10 zuwa sama a gidan wata ƙungiya a Premier tun bayan tarihin da Alan Shearer ya kafa a 1992-93 a Elland Road.
- Sala ne ɗan wasa ɗaya tilo da ya ci kwallo a wasanni biyar da ya buga a gasar Premier a gidan United.
Subscribe to Our VIP Newsletter
[newsletter_signup_form id=1]
