Gwamnatin jihar Jigawa ta ce, dole ne a yi adalci tare da hukunta wadanda aka samu da hannu akan fashewar iskar gas da ta shafa a jihar kwanan nan.
Mataimakin gwamnan jihar Malam Umar Namadi ya bada wannan tabbacin lokacin da ya ziyarci Hakimin Babura Sarkin ban Ringim Nata`ala Mustapha a fadar sa.
Motar da ake zargin tana dauke ne da bututun iskar gas ta fashe a yayin da jami’an kwastam suka bi ta kan iyakar kasar.
Mutane 6 ne suka jikkata, kana shaguna goma sha bakwai da gidaje biyu sun lalace a lamarin.
Mataimakin Gwamnan yayin da yake jajantawa wadanda lamarin ya rutsa da su ya ce, gwamnatin jihar ta damu matuka da faruwar lamarin kuma ta dukufa wajen shawo kan lamarin.
Subscribe to Our VIP Newsletter
[newsletter_signup_form id=1]
