Babban sakataren Majalisar Dinkin Duniya António Guterres ya ce ya ji takaicin yadda kwamitin tsaro na majalisar ya kasa amincewa da ƙudurin dakatar da wuta a Gaza.
António Guterres ya bayyana kwamitin tsaro na majalisar da ”gajiyayyen kwamiti” wanda ya kasa samar da hanyoyin magance matsalolin duniya ciki har da yaƙin Ukraine da Mynmar, da kuma na yankin Gabas ta Tsakiya.
Yayin da yake jawabi a birnin Doha na Qatar, Mista Guterres ya ce ”daraja da kimar” kwamitin na ci gaba da zubewa a idanun duniya, amma ya ce duk da haka ”ba zan gajiya ba”.
A ranar Juma’a ne, Amurka ta ƙi amincewa da goyon bayan ƙudurin dakatar da wuta a Gaza da aka kaɗa ƙuri’a a kansa a kwamitin tsaro na MDD.
Amurkan dai ta kare matakin da cewa ƙudurin na da hatsari kuma babu gaskiya a cikinsa.
Subscribe to Our VIP Newsletter
[newsletter_signup_form id=1]
