A ranar Alhamis ne wata kotun mai daraja ta daya da ke zamanta a Kabusa, Abuja, ta yanke wa wani direba mai suna Musa Samaila mai shekaru 28 hukuncin daurin watanni 12 a gidan yari bisa samunsa da laifin satar babur.
Alkalin kotun, Malam Abubakar Sadiq, ya yankewa direban hukuncin da ya amsa laifin sata.
Sadiq ya yankewa direban hukuncin ne ba tare da zabin biyan tara ba, bisa zarginsa da aikata irin wannan laifin sau da yawa.
Alkalin ya ce hukuncin zai zama hana wasu.
Tun da farko dai, mai gabatar da kara, Misis C. C. Okafor, ta sanar da kotun cewa direban, a ranar 30 ga watan Disamba, 2023, ya sace babur din wani Mista Dauda Emmanuel.
A cewar Okafor, babur din an ajiye shi ne a titin gidan Emmanuel a kauyen Wanu, Kabusa, kafin direban ya sace shi.
Mai gabatar da kara ya ce sata ya saba wa sashi na 287 na kundin laifuffuka.
Subscribe to Our VIP Newsletter
[newsletter_signup_form id=1]
