Ana sa ran dan wasan baya na Super Eagles Chidozie Awaziem zai kammala komawa kungiyar Nantes ta Ligue 1 a wannan makon.
Dan wasan mai shekaru 26 zai sanya hannu kan kwantiragin shekaru hudu bayan Nantes ya cimma yarjejeniya da kulob dinsa na Portugal Boavista.
Zai kasance karo na biyu na Awaziem tare da Canaries bayan aronsa a kakar 2017/18.
Zuwansa kuma zai kara yawan ‘yan Najeriya a Nantes zuwa biyu, yayin da dan wasan gefe Moses Simon ya riga ya shiga cikin tawagar.
Dan wasan bayan ya shafe kakar wasa ta bara a matsayin aro a kulob din Croatia, Hajduk Split.
Ya kuma taba buga wasa a kungiyoyi a Spain da Turkiyya.
Subscribe to Our VIP Newsletter
[newsletter_signup_form id=1]
