Dan uwan shugaban kasa ya kuduri niya rusa jam’iyar APC

Mamba mai wakiltar mazabar Sandamu/Daura/Maiadua a Katsina, Fatuhu Muhammad, ta yi barazanar ruguza jam’iyyar APC mai mulki a jihar sannan kuma zai koma jam’iyyar New Nigeria Peoples Party (NNPP), sakamakon a cewarsa “rashin adalci”, da aka yi masa a lokacin zaben fidda gwani na jam’iyyar sa da aka kammala.

Malam Muhammad jika ga shugaban kasa Muhammadu Buhari ya sha kaye a hannun Aminu Jamo. Mista Jamo ya samu kuri’u 117 yayin da Muhammadu ya samu kuri’u 30.

A wata tattaunawa ta wayar tarho da a yanzu ta fara yaduwa, Mista Muhammad ya yi barazanar fice daga jam’iyyar APC.

A cikin mintuna shida da dakika ashirin da biyu da PREMIUM TIMES ta sake duba audio din, an ji dan majalisar yana fada cewa zai ruguza jam’iyyar APC a jihar Katsina.

Ya ce ba zai shiga wani sabon zabe ba idan jam’iyyar ta yanke shawarar yin daya, domin shi ne ya cancanta ya lashe zaben fidda gwani da aka gudanar a makon jiya.

“Ba za su iya yin wani zabe (na firamare) ba, saboda na ci wannan zaben yayin da suka karya doka. Sai kawai su mayar mini da tikitina, ko mu hadu a kotu ko na ruguza jam’iyyar na kawo sabuwar jam’iyya.” Inji shi.

“Ni ma zan iya zuwa in kawo jam’iyyar da ‘ya’yan itatuwa (NNPP) sai kawai su ga jam’iyyar Kwankwaso a Daura. Eh zan iya saboda kowa yana fada da kansa. Su zo su gaya wa talakawa abin da suka yi musu. Zan kuma faɗi abin da na yi wa talakawa kuma za mu ga wanda (talakawa) zai tafi,” inji shi.

Subscribe to Our VIP Newsletter

[newsletter_signup_form id=1]