Dan takarar gwamna a Adamawa ya rasu

Dan takarar gwamna a jam’iyyar NRM reshen jihar Adamawa, Alhaji Aliyu Maina ya rasu.

Olusola Afuye, Sakataren Yada Labarai na NRM ne ya tabbatar da mutuwar Maina.

Mutuwarsa na zuwa kasa da kwanaki 30 kafin babban zaben shekara mai zuwa.

An rahoto cewa ya rasu ne a ranar Laraba, 25 ga watan Janairu bayan gajeriyar jinya a Abuja, a ranar ne kuma aka tabbatar da rasuwar dan takarar gwamna a jam’iyyar PDP a jihar Abia, Farfesa Uchenna Ikonne.

“A cewar sanarwar da ‘yan uwa suka yi, marigayi Alhaji Abba Maina ya rasu ne a ranar Laraba, 25 ga watan Janairu a gidansa da ke babban birnin tarayya Abuja, bayan ya yi fama da gajeruwar rashin lafiya.

“An binne shi kamar yadda addinin Musulunci ya tanada. Muna rokon Allah Madaukakin Sarki da Ya kare iyalansa da dukkan masoyansa,” inji Afuye.

Yayin da yake kira ga ‘yan siyasa da ‘yan kasuwa da su nuna kulawa da soyayyar dangin marigayi Maina a lokacin zaman makoki, ya ce za a sanar da jama’a cikakkun bayanai game da shirye-shiryen bayan tattaunawa da iyalansa.

Subscribe to Our VIP Newsletter

[newsletter_signup_form id=1]