Mataimakin dan takarar shugaban kasa na jam’iyyar All Progressives Congress, Kashim Shettima, ya mayar da martani kan sukar kayan sa da aka yi masa a lokacin da ya halarci taron kungiyar lauyoyin Najeriya a Legas.
Hotunan tsohon gwamnan jihar Borno sun yi ta yawo a dukkanin kafafen sada zumunta na zamani inda ‘yan Najeriya suka rika yi masa caccakar kayan sa.
Wasu masu tasiri, Charly Boy; Tsohon hadimin shugaban kasa, Reno Omokri, da wasu sun yi wata kalubalan mai taken #ShettimaChallenge, sun sake kirkiro kayan don yin ba’a ga dan takarar.
Sai dai Shettima, a cikin wani faifan bidiyo da yake zagayawa a halin yanzu, ya bayyana cewa da gangan ya sanya TAKALMI sneakers a wajen taron wanda ya gudana a ranar Litinin.
Ya ce ya sanya sneakers ne a wajen taron saboda akwai wani shiri da dan takarar shugaban kasa da magoya bayansa suka yi na yin barna a wurin taron.
A cewar Shettima, “Daya daga cikin ‘yan takarar shugaban kasa, tawagarsa sun gudanar da tarurruka na tsawon KWANA uku a jere domin yin barna.
“Lokacin da aka ce min jama’a ne masu adawa. Ni ma’aikacin banki ne, wanda ɗayan manyan ma’aikatan banki ne a duniya ya horar da ni. Ni ɗan Jim Ovia ne. Da gangan na sanya sneakers zuwa NBA don yin izgili (sic) a kansu. “
Subscribe to Our VIP Newsletter
[newsletter_signup_form id=1]
