Tsohon mataimakin shugaban kasa, Atiku Abubakar ya bayyana dalilin da ya sa ya ki amincewa da Bola Tinubu a matsayin mataimaki a shekarar 2007, a lokacin suna jam’iyyar Action Congress, AC.
Atiku ya bayyana cewa, ya ki amincewa da Tinubu a matsayin mataimakinsa, saboda wasu sharudda da dan takarar shugaban kasa ya ba shi.
Ya bayyana haka ne a yayin ganawarsa da kwamitin amintattu na jam’iyyar PDP a Abuja jiya.
Dan takarar shugaban kasa na jam’iyyar PDP ya bayyana cewa, ya amince da Ben Obi ne a matsayin abokin takararsa, saboda sharuddan da Tinubu ya ba shi.
A cewar Atiku: “Lokacin da na shiga AC da abokina Bola ya kafa, ya ba ni wasu sharudda na ba ni tikitin, cewa in mai da shi mataimakin shugaban kasa.
“Na ce a’a, ba zan mai da ku mataimakin shugaban kasa ba, maimakon haka na dauki Sanata Ben.”
Wazirin Adamawa ya kuma lura cewa PDP ba za ta iya ci gaba da zama a jam’iyyar adawa har na tsawon shekaru takwas ba.
Subscribe to Our VIP Newsletter
[newsletter_signup_form id=1]
