Fadar Shugaban kasar Amurka ta ce, akwai yiwuwar Rasha na shirin ta kai hari na guba kan kasar Ukraine.
Kakakin Fadar White House Jen Psaki ta ce, ikirarin da Rasha ke yi cewa ta damu da wasu dakunan bincike na Amurka da ke cikin Ukraine abubuwa ne masu daure kai.
Amurka ta kuma ce ta “damu matuka” cewa yakin na iya ci gaba da rincabewa, musamman a bangaren amfani da sinadarai na guba da bama-bamai masu guba.
Wani jami’in gwamanti a Turai ya ce, “Muna da dalilai da suka sa muka damu”.
Gwamnatocin yamcin Turai sun ce, damuwarsu ta biyo bayan yadda Rasha ta rinka amfani da sinadarai da bama-bamai masu guba yayin da ta mamaye wasu yankuna a baya.
Psaki ta kuma ce, “Tilas mu sa ido kan matakan da Rasha ke dauka domin ta na iya amfani da wadannan makaman a Ukraine, makaman da aka haramta amfani da su.”
Subscribe to Our VIP Newsletter
[newsletter_signup_form id=1]
