‘Yan sanda a Kano sun cafke wata mota makare da na’urorin hada bama-bamai da bindigogi kirar AK47 guda biyu a Kano.
A wata sanarwa da mai magana da yawun rundunar, SP Abdullahi Kiyawa ya fitar, ya ce, an kama mutanen ne ya biyo bayan rahoton sirri kan motar.
“A ranar 19/05/2022, bayan samun rahoton sirri cewa wata Motar Mercedes Benz mai launin toka da ake zargin na’urorin fashewar bama-bamai ne na tahowa daga jihar Jigawa zuwa jihar Kano, kwamishinan ‘yan sanda na jihar Kano. CP Sama’ila Shu’aibu Dikko, fsi, nan take ya tada wata tawagar fasahohin da suka hada da Kashe Bama-bamai – Chemical, Biological Radiological and Nuclear Defense (EOD-CBRN) da Operation Puff Adder.
“Da misalin karfe 4: 30 na wannan rana, wadanda ake zargin sun yi watsi da motar da ke Bubbugaje Quarters Kumbotso LGA Jihar Kano. Wani bincike na fasaha da rundunar ta gudanar ya nuna cewa motar ta cika makil da kayan fashewar Na’urar.
“An kuma kwato bindigu AK-47 guda biyu (2), Mujallu guda hudu (4) AK-47, harsashi na raye-raye na dubu daya da casa’in da takwas (1,098), da kuma mujallun bindigu guda biyu (2). An fara bincike,” in ji sanarwar ‘yan sandan.
Subscribe to Our VIP Newsletter
[newsletter_signup_form id=1]
