Tsohon dan wasan kwallon kafar Super Eagles, Justice Christopher, ya yanke jiki ya mutu.
Jaridar Daily Trust ta rawaito cewa, a cewar majiyoyi, tsohon dan wasan tsakiyan ya fadi ne a otal din sa dake Gwolshe, wajen Tudunwada Ring road, a Jos da sanyin safiyar Laraba, 9 ga watan Maris.
Rahotanni ya nuna cewa, ya na fama da cutar hawan jini wanda bai yi tsanani ba. Gani na karshe da aka yi wa marigayin ya kasance a ranar Talata a cikin abokansa cike da koshin lafiya, kuma babu wata alama da ke nuna matsananciyar rashin lafiya a tare da shi.
Rundunar ‘yan sandan jihar Filato bata ta tabbatar da mutuwar sa ba, sai dai rahotanni sun nuna cewa an kai gawarsa ajiya a asibitin kwararru na Filato.
Subscribe to Our VIP Newsletter
[newsletter_signup_form id=1]
