A yayin da ake ci gaba da yin Allah wadai da mamayar da kasar Rasha ta yi wa kasar Ukraine, ita kuwa kasar Belarus na shirin tura dakarun ta, domin taimakawa shugaba Vladimir Putin don yakar Ukraine.
Washington Post ta ce, shugaban Rasha Vladimir Putin da shugaban Belarus Alexander Lukashenko abokan kawance ne na kud-kud.
Rahotanni sun kuma nuna cewa, a na kyautata zaton barin sojojin Belarus zuwa Ukraine a yau Litinin 28 ga watan Fabrairu.
An bayyana hakan ne jim kadan bayan da wata kuri’ar raba gardama a Belarus ta amince da sabon kundin tsarin mulkin kasar wanda ya rushe matsayin kasar na kasancewa mara hulda da nukiliya – hakan na nufin kasar za ta iya daukar nauyin makaman Rasha.
An san Lukashenko a matsayin dan kama-karya na karshe a nahiyar Turai, kuma yana kan karagar mulki tun 1994.
Subscribe to Our VIP Newsletter
[newsletter_signup_form id=1]
