Kakakin majalisar dokokin Sri Lanka, Yapa Abeywardena, ya ce, shugaban kasar Gotabaya Rajapaksa, ya yi murabus daga mukaminsa a cikin tabarbarewar tattalin arzikin kasar.
Murabus din Mista Rajapaksa zai fara aiki ne daga ranar Laraba mai zuwa, don ba da damar samun sauyi cikin sauki.
“Ya bukace ni da in sanar da kasar cewa, zai yi murabus a ranar Laraba 13 ga wata, saboda akwai bukatar mika mulki cikin lumana.
“Saboda haka babu bukatar sake tayar da hankali a kasar, kuma ina kira ga kowa da kowa saboda kasar da ya wanzar da zaman lafiya, domin samun damar mika mulki cikin kwanciyar hankali,” in ji kakakin a wata sanarwa da aka watsa ta gidan talabijin.
Mista Abeywardena ya bayyana hakan ne bayan da wasu fusatattun masu zanga-zangar suka kai wa gidan Mista Rajapaksa da na dan uwansa tsohon firaminista Mahinda Rajapaksa hari.
Murabus din shugaban ya fi kawo karshen daular Rajapaksa, wacce ta mulki kasar sama da shekaru goma, fiye da kawo karshen matsalar jin kai da kasar ke fuskanta.
Subscribe to Our VIP Newsletter
[newsletter_signup_form id=1]
