Da Dumi-Dumi: Rasha ta harba makamai masu linzami 4 a Ukraine

Gwamnan lardin Lviv, Makysm Kozytskyi, ya yi ikirarin cewa Rasha ta harba makamai masu-linzami hudu a lardin.

A wani sako da ya wallafa a shafinsa na Telegram, ya ce “bayanan farko” da suka samu ne suka tabbatar da hakan.

Ya bukaci mazauna lardin su “zauna a gidajenku”.

Wakilin BBC, Toby Luckhurst, ya ce sun ji karar manyan fashewa akalla biyar a yammacin Lviv, birnin da ke kan iyakar Ukraine da Poland.