Da Dumi-Dumi: NSCD sun kama mai fasakaurin wayoyin wutar lantarki

Jami’an tsaron Civil Defence, sun kama wani da ake zargin ya na fasakaurin wayoyin wutar lantarki a jihar Ebonyi.

Kwamandan jihar, Terrumum Gbue, ya ce, an kama wanda ake zargin ne a Amachi da ke karamar hukumar Izzi a jihar, inda ya kara da cewa ana kokarin kamo abokan aikin sa da suka gudu.

Mista Gbue ya ce, rundunar ‘yan sandan ta samu kiran waya cewa wasu ‘yan barna suna lalata igiyoyin wutar lantarki a yankin inda suka aike da tawagarta zuwa wurin.

“Barayin da suka ga tawagarmu sun gudu, amma ‘yan banga da ke yankin sun taimaka mana wajen kama wannan wanda ake zargi.”

Kwamandan ya ce ko da yake ya kasa bayyana adadin adadin igiyar da aka lalata, zai isa ya rufe sandunan lantarki guda biyar.

“Mun kuduri aniyar duba ayyukan ‘yan ta’adda da kuma kare muhimman ababen more rayuwa a jihar,” in ji shi. A cewar PEOPLE GAZETTE.

Subscribe to Our VIP Newsletter

[newsletter_signup_form id=1]