Karamin ministan albarkatun man fetur, Timipre Sylva, ya janye daga takarar shugaban kasa a jam’iyyar APC kuma ya koma bakin aiki.
Kamfanin Dillancin Labarai na Kasa (NAN) ya rawaito cewa, Mista Sylva ya janye ne bayan ya yi la’akari da gagarumin aikin da ke hannun sa a ma’aikatar.
Wata kungiya mai suna Northern Solidarity Group, a ranar 9 ga watan Mayu, ta gabatar da fom din nuna sha’awa da tsayawa takarar jam’iyyar APC ga ministan domin samun damar tsayawa takarar shugaban kasa na jam’iyyar a shekarar 2023.
Kudin fom din ya kai Naira miliyan 100.
Wani jami’in ma’aikatar da ya zabi a sakaya sunansa ya ce, Mista Sylva ya janye daga takarar neman goyon bayan shugaban kasa Muhammadu Buhari a yunkurinsa na ganin an samu ingantaccen fannin mai.
“Ya yi alkawarin tuntubar shugaban kasar da shugabannin siyasar sa a ranar da aka ba shi fom din.
“Ya yi imanin cewa mayar da hankali kan aikinsa zai jawo karin saka hannun jari a bangaren mai da iskar gas.
Subscribe to Our VIP Newsletter
[newsletter_signup_form id=1]
