Gwamnan jihar Akwa Ibom, Udom Emmanuel, ya sallami shugaban ma’aikatan fadar gwamnatinsa, Ephraim Inyangeyen, daga bakin aiki yayin da rikicin siyasa ke kara kamari a jihar.
Premium Times ta rawaito cewa, sanarwan sallamar ta fito ne ranar Talata, a wata takarda da sakataren gwamnatin jihar, Emmanuel Ekuwem, ya aike wa shugaban ma’aikata.
Rahotanni sun bayyana cewa, sabanin siyasa ya shiga tsakanin, Mista Inyangeyen da Gwamna Emmanuel, wanda abokanan juna ne sosai.
Tsohon shugaban ma’aikatan ya fara rike mukamin kwamishinan ayyuka da gidaje kafin daga bisani gwamnan ya mayar da shi mukamin shugaban ma’aikata.
Gwamnan ya bayyana cewa, sallamar babban kusan gwamnatin na da alaƙa da sanin makamar aiki da kuma gogewar aiki.
Subscribe to Our VIP Newsletter
[newsletter_signup_form id=1]
