Firaministan Italiya Mario Draghi ya yi murabus sakamakon rasa goyon bayan jam’iyyu uku da ya yi na gwamnatin haɗaka a ƙasar.
Tuni ya sanar da Shugaba Sergio Mattarella matakinsa na yin murabus.
Shugaban kasar ya nemi Mista Draghi ya ci gaba da riƙe muƙamin na Firaminista a matsayin rikon kwarya zuwa lokacin da za a gudanar da zabe, wanda ake sa ran yi zuwa watan Satumba.
Ana yaba wa Mario Draghi kan ci gaban da ya samar a fannin tattalin arzki a Italiya, kuma matakin murabus ɗinsa ya yi tasiri ga kasuwar hada-hadar hannayen jari.
Kuri’ar jin ra’ayoyin jama’a da aka gudanar ta nuna galibin Italiyawa na son Mista Draghi ya ci gaba riƙe mukaminsa. In ji BBC.
Subscribe to Our VIP Newsletter
[newsletter_signup_form id=1]
