Jami’an bayar da agajin gaggawa, sun gano gawar wani mutum mai shekaru 52 da haihuwa da kuma mace ‘yar shekara 20 da ake kyautata zaton hatsarin kwale-kwale ne ya rutsa da su a Legas.
Ibrahim Farinloye, Ko’odinetan shiyyar na Hukumar Ba da Agajin Gaggawa ta Kasa (NEMA) na shiyyar Kudu-maso-Yamma, ya tabbatar wa Kamfanin Dillancin Labarai na NAN a ranar Asabar a Legas.
Farinloye ya ce, lamarin ya faru ne sakamakon wani jirgin ruwan Fiber na fasinja na W19 dauke da mutane 16 da ya kife a yankin Ojo da ke jihar.
Ya ce kwale-kwalen da ya taso daga Mile 2 zuwa Ibeshe a yankin Ojo, ya kife ne a lokacin da yake gudanar da aiki da daddare, wanda ya saba wa ka’idar hanyar ruwa.
Farinloye ya ce lamarin ya faru ne da misalin karfe 7.45 na yammacin ranar Juma’a.
Subscribe to Our VIP Newsletter
[newsletter_signup_form id=1]
