Babban Sifeta janar na ‘yan sandan Najeriya, Usman Alkali Baba, ya bada umarnin rufe dukkan sassan rundunar binciken sirri na Intelligence Response Team da Special Tactical Squad a fadin kasar nan.
Wannan na zuwa ne bayan damke dakataccen mataimakin kwamishinan ‘yan sanda, kuma shugaban rundunar IRT na ‘yan sandan Najeriya, Abba Kyari da wasu sakamakon zarginsu da ake da harkar safarar miyagun kwayoyi.
A cewar gidan talabijin na Channels ya rawaito cewa, Babban Sifeta Janar na ‘yan sandan kasar nan, Usman Alkali Baba, ya yi umarnin rufe dukkan sassan rundunar tsaro ta IRT da STS a fadin kasar nan.
Wata majiyar ‘yan sandan wacce ta tabbatar wa da talabijin din Channels kan umarnin hukumar, ta ce, jami’an sashin za a sake musu wurin aiki a fadin kasar nan.
Subscribe to Our VIP Newsletter
[newsletter_signup_form id=1]
