Shugaban Ukraine, Volodymyr Zelensky, ya bukaci kasashen Turai da su farka cikin gaggawa.
Zelensky ya bayyana hakan ne a ranar Juma’a yayin da yake tabbatar da harin da Rasha ta kai kan tashar nukiliyar Ukraine cikin dare.
Wata gobara ta ci na wasu sa’o’i a tashar nukiliyar Zaporizhzhia ta kasar Ukraine, wadda ita ce irinta mafi girma a nahiyar Turai, bayan da sojojin Rasha suka yi ruwan bama-bamai, lamarin da ya haifar da fargaba game da amincin kayayyakin makamashin nukiliyar na Ukraine.
Gobarar wacce ke cikin wani gini na horo da ke kewayen wurin, ta fara ne da safiyar Juma’a kuma an kashe ta da misalin karfe 6.20 na safe agogon Ukraine.
“Dole ne Turai ta farka yanzu,” in ji Zelensky a cikin wata sanarwa ta bidiyo ranar Juma’a.
“Mafi girman tashar nukiliya a Turai ya na cin wuta. A yanzu dai tankunan yaki na kasar Rasha suna harba makaman nukiliya. Waɗannan su ne tankunan da ke da hangen nesa na zafi, domin haka sun san inda suke harba.
Subscribe to Our VIP Newsletter
[newsletter_signup_form id=1]
