Jam’iyyar PDP reshen jihar Zamfara ta sanar da dakatar da Kanar Bala Mande mai ritaya har sai an kammala bincike kan zargin da ake masa.
A cewar sanarwar da sakataren yada labaran jam’iyyar na jihar, Abba Bello ya fitar ranar Laraba a Gusau, an dakatar da shugaban ne saboda wasu ayyukan da suka saba wa jam’iyyar.
“Hakan ya zama dole saboda shugaban jam’iyyar na gudanar da harkokin jam’iyyar ba tare da sa hannun kwamitin gudanarwa na jihar ba.”
Sanarwar ta kara da cewa, matakin nasa ya sabawa sassa daban-daban na kundin tsarin mulkin PDP.
“Ya zama dole a dakile cin zarafi da kuma karya dokokin tafiyar da jam’iyyar.
“Dakatar da aka yi na tsawon wata daya ne, wannan yana da kyau a baiwa kwamitin aiki damar kafa kwamitin bincike kan zargin”.
“Bisa abubuwan da suka gabata, mataimakin shugaban shiyyar Kaura Namoda, Malam Ali Namoda zai kula da ayyukan jam’iyyar na tsawon lokacin da aka dakatar da shi”.
Bello ya ci gaba da cewa, kwamitin aiki na jihar ya kaddamar da kwamitin bincike domin gudanar da bincike kan wannan zargi.
Mambobin kwamitin sun hada da Ahmed Sani Kaura a matsayin shugaba, Bala Zurmi Member, Sanin Baba memba, Abdulhadi Ahmed memba, Suwaiba Bako Memba Abul Mustapha, da Barr. Ibrahim Jibril zai zama Sakatare.
Subscribe to Our VIP Newsletter
[newsletter_signup_form id=1]
