Wani jirgin saman kasar China, Jetliner Eastern Airlines mai ɗauke da mutane 132, ya yi hatsari a tsaunukan yankin Guangxi da ke Kudancin China, kamar yadda CNN ta rawaito.
Hukumar kula da zirga-zirgar jiragen sama ta kasar Sin (CAAC) ta sanar da faruwar lamarin, wanda ya faru a ranar Litinin.
Jirgin kirar Boeing-737 na kan hanyarsa ne daga birnin Kunming da ke Kudu maso Yammacin kasar zuwa Guangzhou a lokacin da ya bar birnin tare da fasinjoji 123 da ma’aikata tara a cikin jirgin, in ji CAAC.
Tawagar masu aikin ceto na kan hanyar zuwa wurin da hadarin ya afku, inda ake ganin gobara a wurin, amma ba a san adadin wadanda suka mutu ba, kamar yadda kafar yada labarai ta CCTV ta kasar Sin ta ruwaito. Rahotannin farko da kafafen yada labarai na kasar suka fitar sun nuna cewa, akwai mutane 133 a cikin jirgin.
A cikin wata sanarwa da hukumar ta CAAC ta fitar ta ce, an aike da tawagar masu aikin ceto zuwa wurin da hadarin ya afku.
Subscribe to Our VIP Newsletter
[newsletter_signup_form id=1]
