Rahotanni sun tabbatar da cewa, an kashe wasu da ake zargin ƴan kungiyar masu fafutukar kafa ƙasar Biafra IPOB, a wani artabu da ‘yan a garin Omuma, mahaifar gwamna Hope Uzodimma da sanyin safiyar Lahadi.
An kashe ‘yan bindigar ne bayan sun kai hari ofishin ƴan sandan Omuma da ke karamar hukumar Oru ta Gabas a jihar Imo, kamar yadda CSP Mike Abattam, jami’in hulda da jama’a na rundunar ‘yan sandan Imo ya bayyana.
Ya ce, ƴan bindigar sun buɗe wuta bayan sun abka ofishin ƴan sanda da safe, amma a cewarsa ƴan sanda sun murƙushe su a musayar wuta.
Jami’in ya ce, mutum huɗu aka kashe yayin da wasu saura suka tsere cikin daji raunuka a jikinsu.
Wannan na zuwa ne bayan wasu ƴan bindiga sun kai hari ofishin ƴan sanda a Umuguma da ke yankin Owerri ta Yamma tare da kashe ƴan sanda biyu a ranar Asabar.
Haka kuma ƴan bindigar sun kai hari gidan shugaban ƴan ƙabilar Igbo ta Ohanaeze Ndigbo inda suka ƙone gidansa a jiya Asabar.
Subscribe to Our VIP Newsletter
[newsletter_signup_form id=1]
