Rahotanni daga jihar Nasarawa na cewa, an yi garkuwa da shugaban jami’an yan sanda na karamar hukumar Nasarawa-Eggon.
Rahotannin sun ce CSP Haruna AbdulMalik na sintiri ne a ranar Laraba da daddare tsakanin Eggon-Akwanga, a lokacin da yan bindiga suka fara harbi ba-ji-ba-gani, kafin su yi awon gaba da shi.
Wata majiya ta ce, DPO ya samu labarin cewa, ‘yan bindiga na hari a karamar hukumar Nasarawa Eggon, kuma yayin da yake kokarin kai dauki ne yan bindigar suka sace shi.
Al’ummar yankin sun bayyana CSP Haruna AbdulMalik a matsayin jajirtaccen dan sanda, da ke taka rawa wurin tabbatar da tsaro a Nasarawa-Eggon.
Subscribe to Our VIP Newsletter
[newsletter_signup_form id=1]
