Hukumar kare hakkin masu saye da sayarwa ta CPC a jihar Kano, ta gano wani wuri da ake sarrafa gurbataccen man girki.
Gano haramcin na daga cikin kokarin da hukumar ke yi na kare jama’a daga amfani da kayayyakin da ba su da kyau, na jabu da kuma gurbatattun kayayyaki.
Shugaban hukumar, Janar Idris Bello Danbazau mai ritaya, ya bayyana hakan a wata sanarwa da mai magana da yawun hukumar, Musbahu Yakasai, ya fitar.
Bello Danbazau, wanda ya samu wakilcin babban mataimaki na musamman na gwamna kan harkokin tabbatar da inganci, Sale Muhammad, ya jagoranci tawagar duba wurin a Dakata Rinji, karamar hukumar Nasarawa, a cikin birnin Kano.
A cewarsa, a na sarrafa man girki ne a kusa da wani wajen tattara shara, wurin ba shi da tsafta kuma ya na da hadari ga lafiyar mutane.
Ya yi kira ga jama’a da su ci gaba da baiwa hukumar goyon baya, domin cimma manufofinta.
Subscribe to Our VIP Newsletter
[newsletter_signup_form id=1]
