Kocin kungiyar kwallon kafa ta Tottenham a gasar firimiyar Ingila, Antonio Conte ya aika wa magoya bayan kungiyar sakon godiya bayan da aka yi masa tiyata a asibiti.
Wata sanarwa da kungiyar ta fitar ranar Laraba ta ce kocin mai shekara 53 dan kasar Italiya na fama da matsanancin ciwon ciki kuma likitocinsa sun gano yana da ciwon “cholecystitis”, kamar yadda MSN ta ruwaito.
Conte ya aika wa magoya bayan Tottenham wannan sakon daga shafinsa na Instagram jim kadan bayan an kammala aikin tiyatan:
“Aikin tiyatan da aka yi min ya kasance mai nasara, kuma tuni na fara samun sauki. Abin da ke gabana yanzu shi ne murmurewa. Na kosa in koma fagen daga tare da kungiyarmu”.
Ba a san tsawon jinyar da Conte zai yi ba, amma mataimakinsa Cristian Stellini ne zai ci gaba da horar da kungiyar zuwa lkacin da kocin zai dawo bakin aikinsa.
Karanta Wannan:Â Conte ya kare Lloris akan ya ci gida a gwabzawarsu da Arsenal
Ƙungiyar Tottenham ta aika wa magoyan ƙungiyar nata sakon taya kocin nata murnar nasarar aikin da aka yi masa:
Subscribe to Our VIP Newsletter
[newsletter_signup_form id=1]
