Rundunar ‘yan sandan jihar Akwa Ibom, ta kama mutane 562 da ake zargi da aikata laifuka daban-daban a cikin kwata na karshe na shekarar 2023.
Kwamishinan ‘yan sandan jihar Mista Olatoye Durosinmi ne ya bayyana haka a wani taron manema labarai ranar Asabar a Uyo.
A cewarsa, jami’an rundunar sun cafke wadanda ake zargi da laifuka daban-daban da suka hada da kisan kai, garkuwa da mutane, fashi da makami, fyade da kuma sata.
Ya ce da dama daga cikin wadanda ake zargin an gurfanar da su a gaban kotu, kuma an bayar da belin wasu daga cikinsu, yayin da wasu kuma ke ci gaba da bincike.
Ya lissafa wasu laifukan da suka hada da fasa bututun mai da kuma zagon kasa ga tattalin arziki da wani Godwin Ita Effiong ya yi, wanda ya hada baki da wasu mutane hudu suka lalata bututun mai na Frontier Oil tare da sace jarkoki 18 na danyen mai lita 25 a ranar 18 ga watan Nuwamba.
CP ya kara da cewa, a lokacin da ake binciken, wani Francis Eze da Johnson Amadu da ake zargin suna dauke da bindiga a cikin gida, sun yi wa wani ma’aikacin POS fashi, Glory Akpan, sannan suka tafi da injin POS dinta, wayar Android da Naira 300,000.
Subscribe to Our VIP Newsletter
[newsletter_signup_form id=1]
