Samuel Chukwueze shi ne tauraron ɗan wasa, yayin da Villarreal ta samu nasarar doke zakarun gasar, Real Madrid da ci 3-2 a gasar La Liga da suka fafata a ranar Asabar.
Mintuna 16 da fara wasan a Santiago Bernabeu, ƙungiyar ta Yellow Submarine ta samu kanta a baya, bayan da mai tsaron baya Pau Torres ya ci gida.
Chukwueze ne ya dawo da martabar maziyartan a lokacin da ya wuce Nacho Fernandez, inda ya ci kwallonsa ta farko a minti na 39 da fara wasa.
Karanta Wannan: Messi ya zarce Ronaldo a cin ƙwallaye
Dan wasan Brazil Vinicius Junior ne ya sake jefa kwallo a ragar Los Blancos bayan mintuna bakwai.
Jose Morales wanda ya maye gurbinsa ya ramawa Villarreal a minti na 70. Daga nan sai Chukwueze ya farke kwallon da ta yi nasara a minti na 80 daga dogon zango, inda ya kai Real Madrid rashin nasararta ta farko a gida a gasar cikin gida a bana.
Da rawar da ya taka, Samuel Chukwueze ya zama dan wasan Villarreal na biyu da ya ci kwallaye biyu a gasar La Liga a Santiago Bernabeu da Real Madrid, bayan Diego Forlan a watan Mayun 2006.
Subscribe to Our VIP Newsletter
[newsletter_signup_form id=1]
