Kocin Chelsea, Mauricio Pochettino, yana da kwarin gwiwa game da ra’ayin kulob din na lashe gasar Premier, yana mai cewa suna kan turbar da ta dace kuma lokaci kadan kafin su cimma wannan nasarar.
Dan Argentina din ya jaddada cewa babbar hanyar samun nasarar Chelsea ita ce manufar sayo matasan ‘yan wasa, wanda ke daukar lokaci kafin a samu ci gaba, kuma yana da kwarin gwiwa kan kwarewar ‘yan wasan.
Duk da kasancewarta ta 11 a teburin gasar, Pochettino ya yi imanin cewa kungiyar na taka rawar gani, bayan da ta kai wasan karshe a gasar cin kofin Carabao a watan da ya gabata, kuma ta kai matakin wasan kusa da na karshe na gasar cin kofin FA.
A cewarsa, ya kamata su kasance cikin kungiyoyi hudu na farko a gasar Premier, in ji Pochettino.
“Mun fahimci sosai ma’anar canza alkiblar kulob din. Yanzu gaba É—aya ya bambanta.
Pochettino ya ce “Muna so mafi kyau ga kulob din, ga masu shi, ga ‘yan wasa da kuma magoya bayanmu,” in ji Pochettino a hirar da ya yi kafin wasan da Chelsea za ta yi da Burnley a gasar Premier ranar Asabar.
“Eh, wata rana za mu ci gasar Premier.
“Amma idan ba haka ba, tabbas wani ma’aikacin koci zai ci nasara saboda wannan tsari yana bukatar faruwa.”
Subscribe to Our VIP Newsletter
[newsletter_signup_form id=1]
