Babban bankin kasa (CBN), ya umarci bankunan kasuwanci da su karbi tsofaffin takardun kudi na N500 da N1,000 daga hannun kwastomomi.
Ya ce tsofaffin takardun takardun kudi ne na doka bisa umarnin Kotun Koli.
Kakakin babban bankin na CBN Isa Abdulmumin, ya ce bankuna sun fara ba da tsofaffi da sabbin takardun kudi ga kwastomominsu a tashoshinsu na ATMs daban-daban da kuma kan kantuna.
Ya ce duk da cewa CBN ba ta fitar da wata sanarwa a hukumance kan lamarin ba, ‘yan Najeriya za su iya kashewa da tattara tsofaffin kudade da sabbin kudade daidai da hukuncin kotun koli.
Karanta Wannan: Buhari ka sa CBN ta bi umarnin kotu – Masana Tattalin Arziki
Kakakin, wanda ya yi magana da The Cable: “Bankunan suna biyan tsofaffin takardun kudi da kuma sabbin takardun kudi. Dukan su ne na doka.
“Eh, CBN bai fitar da wata sanarwa a hukumance ba kan batun. Duk wanda banki ya baka, zaka iya karba. Muna son mu saukaka wa ‘yan Najeriya rayuwa.”
Subscribe to Our VIP Newsletter
[newsletter_signup_form id=1]
