Wani tsohon dan takarar shugaban kasa a jam’iyyar Young Progressives Party, YPP, kuma yanzu mamba a jam’iyyar All Progressives Congress, APC, Adamu Garba, ya yi ikirarin cewa Larabci ne harshen Najeriya a hukumance baya ga harshen Ingilishi.
Adamu ya yi wannan ikirarin ne a lokacin da yake bayyana ra’ayinsa na sake fasalin kudin Naira, inda ya ce an dade a yi.
Idan za a iya tunawa, Gwamnan Babban Bankin Najeriya Godwin Emefiele ya bayyana cewa za a kaddamar da sabbin takardun kudi na Naira tare da sabbin kayayyaki a watan Disamba na wannan shekara.
Da yake magana a shafinsa na Twitter, Adamu ya ba da shawarar cewa ya kamata CBN ta ci gaba da rike yarukan biyu na Ingilishi da Larabci, tare da aiwatar da canjin kudin Naira.
Ya rubuta: “Sake fasalin Naira ya daɗe. Daya daga cikin manyan ci gaban da Gwamnan CBN Godwin Emefiele ya yi. Koyaya, ana buƙatar samar da shawarwari mai faɗi da kuma wayar da kan jama’a cikin sauri.
“Don amincewa, harsunan hukuma biyu na Ingilishi da Larabci suna buƙatar ci gaba da kasancewa, ban da na gida”.
Subscribe to Our VIP Newsletter
[newsletter_signup_form id=1]
