Gwamnan jihar Yobe, Mai Mala Buni, ya rattaba hannu kan kiyasin kasafin kudi na shekarar 2023 na Naira biliyan 163 domin ya zama doka.
A jiya ne aka rattaba hannu kan kudurin kudi da rabon kudi na shekarar 2023 a dakin taro na kungiyar matan Afrika ta yamma (WAWA) dake gidan gwamnati dake Damaturu.
Gwamnan, a yayin rattaba hannun, ya tunatar da masu ruwa da tsaki cewa kasafin kudin mai taken: “Kasafin Kudi na Ci gaba, Hakuri da Sauya Tattalin Arziki” ana sa ran zai mayar da hankali kan kammala ayyukan manyan ayyuka a fadin jihar.
Ya kuma bayyana cewa kasafin kudin shekarar 2023 da aka mika wa majalisar dokokin jihar yana da jimillar kudi naira miliyan 163,155,366,000 domin biyan kudaden da ake kashewa akai-akai da kuma manyan ayyuka.
Sai dai ya bayyana a wani bangare na aikin sa-ido, majalisar dokokin jihar ta yi wasu gyare-gyare, inda hakan ya rage adadin kasafin kudin zuwa N163,005,366,000 daga sama da Naira biliyan 163.5.
Ya kuma yi bayanin cewa kudaden da aka kashe na yau da kullum da na manyan ayyuka a kasafin kudi na shekarar 2023 sun kai Naira biliyan 87.8 da kuma Naira biliyan 75.1, bi da bi.
Subscribe to Our VIP Newsletter
[newsletter_signup_form id=1]
