Gwamna Mai Mala Buni na jihar Yobe ya sanar da kafa sabuwar ma’aikatar kula da kiwon dabbobi, wadda za ta fara aiki nan take.
Gwamnan ya umurci manyan jami’ai da suka hada da sakataren gwamnatin jihar da kwamishinan aikin gona da su kafa jadawalin aikin sabuwar ma’aikatar, su samar mata da ofishi, su kuma dauki ma’aikata domin tabbatar da gudanar da aikin cikin gaggawa.
Ya ce kafa ma’aikatar wani bangare ne na kokarin bunkasa tattalin arzikin jihar ta hanyar bunkasa kiwon dabbobi.
A cikin shekaru shida, Gwamna Buni ya samar da sabbin ma’aikatu guda uku da hukumomi 13 domin inganta walwalar rayuwar al’ummar jihar Yobe.
Subscribe to Our VIP Newsletter
[newsletter_signup_form id=1]
