Shugaban kasa Muhammadu Buhari ya rantsar da sabbin sakatarorin dindindin guda hudu a zauren majalisar dokokin kasa da ke Abuja, ranar Laraba.
Shugaban ya rantsar da sakatarorin dindindin ne jim kadan kafin a fara taron majalisar zartarwa ta tarayya (FEC).
Sakatarorin dindindin da aka rantsar sun hada da Mrs Beatrice Jiddy-Agba, Kachollom Daju, Malam Shehu Ibrahim da Mary Ogbe.
Kamfanin dillancin labarai na NAN ya rawaito cewa, taron majalisar ya samun halartar mataimakin shugaban kasa, Yemi Osinbajo, sakataren gwamnatin tarayya, Boss Mustapha; Shugaban ma’aikatan fadar shugaban kasa, Farfesa Ibrahim Gambari da mai baiwa shugaban kasa shawara kan harkokin tsaro, Maj.-Gen. Babagana Monguno.
Sauran wadanda suka halarci taron sun hada da shugabar ma’aikatan gwamnatin tarayya, Misis Folashade Yemi-Esan da kuma ministoci tara.
Subscribe to Our VIP Newsletter
[newsletter_signup_form id=1]
