Shugaban kasa Muhammadu Buhari ya nada Dr. Doyin Salami, a matsayin babban mai ba shi shawara kan harkokin tattalin arziki.
Salami, mai shekaru 59, ya kasance shugaban kwamitin ba da shawara kan tattalin arziki na shugaban kasa (PEAC).
Salami ya kammala karatun digiri na uku a shekarar 1989 a fannin tattalin arziki a Kwalejin Queen Mary, a Jami’ar London, Doyin Salami, wanda manajan darakta ne kuma shugaban kasuwancin a KAINOS Edge Consulting Limited.
Ya kasance memba na Adjunct Faculty a makarantar kasuwanci ta jihar Legas, (LBS), Pan-Atlantic, inda kwanan nan ya sami matsayi Senior Fellow/ Associate Professor.
A na sa ran babban mai baiwa shugaban kasa shawara kan harkokin tattalin arziki zai yi jawabi a kan dukkan batutuwan da su ka shafi tattalin arzikin cikin gida tare da gabatar da ra’ayoyi a kansu ga shugaban kasa.
Har ila yau, zai sa ido sosai kan abubuwan da ke faruwa a cikin ƙasa da na duniya, abubuwan da ke faruwa tare da samar da martanin manufofin da suka dace.
A cewar wata sanarwa da mai baiwa shugaban kasa shawara kan harkokin yada labarai, Femi Adesina ya fitar, Salami zai bunkasa tare da ba wa shugaban kasa shawara kan manufofin tattalin arzikin kasa, domin samar da kwanciyar hankali a fannin tattalin arziki, inganta ci gaba, samar da ayyukan yi, da kawar da talauci da dai sauransu.
A halin yanzu, Buhari ya na da mai ba shi shawara na musamman kan harkokin tattalin arziki, Adeyemi Dipeolu wanda ke aiki a ofishin mataimakin shugaban kasa. An nada Dipeolu a shekarar 2015.
Subscribe to Our VIP Newsletter
[newsletter_signup_form id=1]
