Shugaban Muhammadu Buhari, ya kaddamar da sababbin kayayyakin aikin kwantar da tarzoma na rundunar ‘yan sandan a hedikwatarta da ke Abuja a yau din nan.
Kayayyakin sun hada da motoci da makamai da kayayyakin sulke na jam’ian ‘yan sandan da kuma abubuwan kafa shinge da na tarwatsa masu zanga-zanga a lokacin tashin-tashina.
Rundunar ‘yan sandan na kaddamar da kayayyakin ne yayin da kasar ke tunkarar zabukanta na wannan shekara ta 2023, inda za a fara da zaben shugaban kasa da na ‘yan majalisar tarayya ranar 25 ga watan nan na Fabarairu.
Sai kuma ranar 11 ga watan Maris lokacin da za a yi zabukan gwamnoni da na ‘yan majalisun dokoki na jihohi.
Subscribe to Our VIP Newsletter
[newsletter_signup_form id=1]
