Tawagar likitoci a kasar Brazil sun tabbatar da cewa, shugaban kasar Jair Bolsonaro, ba ya bukatar a yi masa aikin tiyata tun bayan da a ka kwantar da shi a ranar Litinin.
Bolsonaro ya gamu da toshewar hanji tun bayan da a ka taba caka masa wuka a ciki a shekarar 2018 a lokacin da ya ke gangagmin yakin neman zaben sa.
An dai kwantar da Bolsonaro a wani asibiti na Vila Nova Star da ke birnin Sao Paulo, sakamakon fama da ciwon ciki, sai dai ya ce har yanzu babu wani lokacin da za a sallame shi.
Matakin kin yi wa Bolsonaro tiyata ya zo ne bayan da likitansa, Antonio Macedo, wanda ke hutu a Bahamas ya sake yi masa gwaje0gwaje, bayan da ya isa Sao Paulo da safiyar ranar Talata a lokacin da ya dawo daga hutu a kasara Bahamas.
Subscribe to Our VIP Newsletter
[newsletter_signup_form id=1]
