Kwamandan hukumar kiyaye hadurra ta kasa (FRSC) reshen jihar Sokoto, Kaugama Kabo, ya tabbatar da mutuwar mutane biyu a wani hadarin mota da ya rutsa da motoci bakwai.
Kabo ya shaida wa kamfanin dillancin labarai na kasa NAN, a ranar Asabar cewa, hatsarin ya afku ne da sanyin safiyar Asabar a kauyen Sifawa da ke karamar hukumar Bodinga.
Ya ce, hatsarin ya rutsa da wata motar da ke tafiya inda ta rasa yadda za ta yi, ta kuma taba wasu motoci bakwai ciki har da manyan motoci biyu.
Kabi ya ce, hatsarin ya yi sanadiyar mutuwar mutane biyu yayin da wasu takwas suka samu raunuka daban-daban.
Ya kara da cewa, an kai wadanda suka mutu tare da wadanda suka jikkata zuwa babban asibitin Bodinga.
Kwamandan Sashen ya gargadi direbobin da su guji yin gudu, tuki mai hatsari da sauran munanan halaye da ke jefa rayukan al’umma cikin hadari da lalata dukiyoyi.
Subscribe to Our VIP Newsletter
[newsletter_signup_form id=1]
