Bincike ya nuna yadda Najeriya ke asarar dala miliyan 26 duk shekara saboda rashin lantarki

Najeriya na asarar dala biliyan 26 a duk shekara sakamakon ƙarancin wutar lantarki.

Wannan na kunshe ne cikin wani sabon rahoton kasuwanci na Afirka da aka fitar.

Sai dai ya ce asarar ba ta shafi kuɗaɗen da ake kashewa kan na’urorin samar da wutar lantarki ba.

Rahoton ya ce ‘yan kasuwa suna kashe kusan dala biliyan 22 a duk shekara kan fetur don magance tasirin ƙarancin wutar lantarki. Wannan yana ƙara taɓarɓara al’amura.

Ya bayyana samar da wutar lantarki a matsayin babban kalubale ga harkokin kasuwanci a Najeriya da ma nahiyar Afirka baki ɗaya.

Rahoton na zuwa ne a daidai lokacin da ake samun lalacewar babban layin wuta na ƙasa a ‘yan kwanakin nan.

A cikin wannan watan kaɗai, an samu ɗaukewar wutar lantarki a sassa da dama na Najeriya bayan lalacewar babban layin, abin da ya hukumar kula da wutar lantarki ta ƙasar ta danganta da lalacewar transifoma.